ហេតុអ្វីធ្វើវ៉ាក់សាំងអស់ហើយ មាន់នៅតែឈឺ និងងាប់?

បញ្ហាមាន់ឈឺទាំងនេះ មកអាចមកពី

ចំណុចចំបងបំផុត គឺមកពីការថែទាំ និងគ្រប់គ្រង។ តើបងប្អូនត្រូវយល់អោយបានច្បាស់ថា  ការថែទាំ សំដៅលើអ្វី? ហើយការគ្រប់គ្រង សំដៅលើអ្វី?

1- ការថែទាំ គឺសំដៅលើកិច្ចការទាំងឡាយដែលយើងត្រូវធ្វើជាប្រចាំលើការចិញ្ចឹមសត្វ ហើយការថែទាំទាំងនោះរួចមាន:

- ការផ្តល់ចំណី និងទឹក អោយបានគ្រប់គ្រាន់ និងសុវត្តិភាព

- ការផ្តល់លក្ខខណ្ឌរស់នៅអោយវាសមស្របតាមអាយុកាលសត្វ ទំហំ ឬមាឌសត្វ 

- ផ្តល់ទីជំរក ឬទ្រុងអោយបានសមរម្យ និងមានផាសុកភាពដល់សត្វ ជៀសផុតពីជំងឺឆ្លង

- មានថ្នាំសំថ្កូវ សំរាប់ព្យាបាល និងបំប៉នសុខភាពសត្វ

- ការអនុវត្តវិធានការជីវសុវត្តិភាព ទប់ស្កាត់ការរាលដាលជំងឺឆ្លង

2- ការគ្រប់គ្រង គឺសំដៅលើ កិច្ចការទាំងឡាយ ដែលត្រូវធ្វើ ដើម្បីធានាថា ត្រឹមត្រូវ គ្រប់គ្រាន់ និងឆ្លើយតបជាមួយស្ថានការទាន់ពេលវេលា ហើយការគ្រប់គ្រងទាំងរួមមាន

- គ្រប់គ្រងលើទឹកត្រូវតែស្អាត គ្មានមេរោគ ចំណីត្រូវតែល្អ គុណភាព ដើម្បីធានាបានសត្វសុខភាពល្អ និងលូតលាស់លឿន

- គ្រប់គ្រងកន្លែងចិញ្ចឹម ឬកសិដ្ឋាន ដោយអនុវត្តប្រព័ន្ធជីវសុវត្តិភាពអោយបានជាប្រចាំជានិច្ច ត្រួតពិត្យហើយអោយបានម៉ត់ចត់ ការចំលងជំងឺពីខាងក្រៅ ដូចជាចលនាមនុស្សមកលេងកន្លែងចិញ្ចឹម អ្នកចូលមកទិញមាន់ ពេទ្យសត្វ សំភារះប្រើប្រាស់ ពោលគឺមិនចាំបាច់មិនអោយចូលទ្រុងមាន់ ឬយកមកប្រើប្រាស់លាយឡំគ្នា

- ត្រូវគ្រប់គ្រងកន្លែងចិញ្ចឹម មានសំភារ:ការពារធាតុអាកាស បិទបាំងអោយត្រឹមត្រូវ និងធ្វើយ៉ាងទៀងទាត់នៅពេលភ្លៀង ឬពេលយប់

- ត្រូវត្រួតពិនិត្យមើលថ្នាំព្យាបាល ថ្នាំបំ៉ប៉ន់ សត្វអោយបានល្អ មិនអោយដេឡេ មិនខូចគុណភាព ដើម្បីធានាដល់ការព្យាបាលមានប្រសិទ្ធភាពខ្ពស់

@រក្សាសិទ្ធ រស់ ឆាំងគី

 រៀនដើម្បីធ្វើស្រែ ដោយ ចិត្តដែក